Hytaýyň demirgazygyndaky Şaanşi welaýatynda kömür gazylyp alynýan magdan käninde bolan partlamada 11 adamyň ýogalandygy habar berildi.
Ýurduň Döwlet telewideniýesi CCTV tarapyndan berilen habara görä, Ýanan şäheriniň Ýançuan etrabynda ýerleşýän kömür gazylyp alynýan Şintaý atly magdan käninde partlama boldy.
Partlamanyň bolan mahaly magdan käninde işläp ýören 90 adamyň 11-i ýogaldy.
Gözleg we halas ediş toparlar tarapyndan ýeriň aşagyndan çykarylan 81 adamdan agyr ýaralanan 2-si edilen ähli tagallalara garamazdan halas edilip bilinmedi, 9 işgäriň bolsa jesetleri tapyldy.
Magdan käniniň 2020-nji ýylda işläp başlandygy we ol ýerden ýylda 300 müň tonna kömüriň çykarylýandygy aýan edildi.