Hytaýda täze hünärleriň peýda bolandygy ýurduň Adam gorlary we durmuş üpjünçiligi ministrliginiň ýörite beýanatynda resmi taýdan yglan edildi. Bu barada South China Morning Post neşirine salgylanýan Daryo.uz ýazýar.
Täze kärleri tassyklamak barada pikir alyşmalar Hytaýda geçen ýylyň ahyryndan bäri dowam edip gelýärdi, emma resmi sanaw 31-nji iýulda yglan edildi. Täze kärleriň hataryna: akylly awtoulaglary synag edýän sürüji, emeli aň priloženiýeleri boýunça hünärmen, medeni önümçiligi meýilleşdirmek we ulanmak boýunça inžener, bioinženerçilik boýunça tehnik ýaly kärler bar.
Täze kärleriň döredilmegi iş orunlaryny artdyrmaga, hünärmen bilimine we okatmaga, işgärleriň zähmet ölçegleriniň ýokarlanmagyna, şeýle-de işewürlige oňyn täsir edýär diýlip, Hytaýyň ady agzalan ministrliginiň resmi beýanatynda nygtalýar.