Hytaýda sil joşgunlarynda dereksiz ýitenleri gözlemek işi şowly tamamlandy, yzyny üzmän ýagan çabgalar ýurduň gündogar we günorta sebitlerinde sil joşmalaryna getirdi. Öň 17 adamdan ybarat topar ýurduň gündogar ülkesindäki tokaýlaryň birinde dereksiz ýitipdi. Halas edijilere olary 6 sagadyň dowamynda halas etmek başartdy. Olaryň käbirine lukmançylyk kömegi berildi.
Meteorologlar çabga ýagyşlarynyň golaý günlerde güýçlenjekdigini çaklaýarlar.
Sil joşgunlaryndan Braziliýa hem ejir çekýär. Ýurduň San-Leopold şäherindäki stadion 800 adam üçin gaçybatalga boldy. Şäher synlamalaryň 200 ýyllyk taryhynda iň güýçli sil joşgunlaryny başdan geçirýär.
Munuň sebäbi bir hepde öň Braziliýanyň günorta ştatlaryna aralaşan tropiki harasatdyr. 10 müň adam ýaşaýan ýerlerini terk etmäge mejbur boldy. Häkimiýetler futbol stadionynda öýsüz galan ýaşaýjylar üçin wagtlaýyn gaçybatalga guradylar. Ýurduň hökümeti ähli ejir çekenlere öweztölegini wada berdi.