– Hytaý Aziýa-Ýuwaş umman sebitiniň (APR) ykdysady ösüşine möhüm goşant goşup, durnukly ösüşi dowam etdirer, şeýle hem durmuş-hojalyk sarp edişinde güýçli dikelişe eýe bolar diýlip garaşylýar. Bu barada Halkara Pul Gaznasy (HPG) tarapyndan çap edilen hasabatda aýdylýar.
HPG-niň Aziýa-Ýuwaş umman sebitiniň ykdysady geljegi baradaky synynda Hytaýyň ykdysadyýetiniň şu ýyl gaznanyň 2022-nji ýylyň oktýabr aýyndaky çaklamasyndan 0,8 göterim ýokarlanyp, 5,2 göterim ösjekdigi tassyklanýar.
HPG-niň Aziýa-Ýuwaş umman ministrliginiň müdiri Krişna Sriniwasan HPG-niň we “China Finance 40 Forum” seljeriş merkeziniň geçiren metbugat ýygnagynda -Birinji çärýekdäki maglumatlar 2023-nji ýylda güýçli başlangyç baradaky çaklamamyzy tassyklady – diýdi.
K.Sriniwasanyň pikiriçe, Hytaýda ykdysady ösüşiň depgini, adatça, 1 göterim ýokarlanyp, Aziýanyň galan ýerlerinde, takmynan, 0,3 göterim ýokarlanmagyna sebäp bolýar.
HPG-niň hasabatynda aýdylyşy ýaly, Aziýa-Ýuwaş umman sebiti depginli ösýän sebit bolmagyny dowam etdirer. Dinamiki ösüş, esasan, Hytaýdaky ykdysady dikeliş we Hindistanyň ynamly ösüşi bilen şertlendiriler.
HPG-niň çaklamalaryna görä, 2023-nji ýylda sebitiň ösüş depgini 4,6 göterim ösüp, Aziýa-Ýuwaş ummanyň global ösüşe 70 göterime golaý goşant goşmagyna garaşylýar. Şeýle hem Hytaýyň şu ýyl global ykdysady ösüşe goşýan goşandynyň 34,9 göterim boljakdygy öňe sürüldi.