Palestinaly ýesirler jemgyýetinden berilen beýanatda, Ysraýylyň howpsuzlyk güýçleri tarapyndan saklanan Kemal Adwan hassahanasynyň müdüri Hüsam Abu Safiýýe "Zor ýitirim bolan müňlerçe Gazaly tussaglarynyň biridigi" habar berildi.
Beýanatda Ysraýylyň lukmany tussag edendigini inkär edýändigi ýatladylyp, wagtyň geçmegi bilen Abu Safiýýeniň ykbaly bilen bagly howplaryň artýandygy mälim edildi.
"Abu Safiýýeniň 27-nji dekabrda saklanandygy bilen bagly deililleriň bolmagyna garamazdan, Ysraýylyň howpsuzlyk güýçleri ozal beren beýanatlaryna meňzeş beýanatlaryny gaýtalaýar, hem çap edilen suratlar we wideo materiallar hem-de azat edilen käbir palestinalylaryň beýanatlaryny özünde jemleýän delilleri inkär edýär" diýip habar berilen beýanatda, Abu Safiýýeniň ykbalynyň dolulygyna Ysraýylyň resmileriniň jogapkärçiligindedigi aýan edildi.
Halkara adam hukuklary guramalaryndan bu mesele boýunça ädimler ätmek we öz jogapkärçiliklerini ýerine ýetirmek barada talap bildirildi.
Ysraýylyň goşuny 27-nji dekabrda Kemal Adwan hassahanasyny gabaw astyna alyp, saglygy goraýyş işgärlerini we ýaralanan adamlary mejbury ýagdaýda daşary çykarypdy, reýdler geçirip, hassahananyň käbir bölümlerini ýakypdy.