Ýylyň iň ökde
futbolçysyna berilýän “Altyn top” (Ballon d’Or) baýragyna Barselonanyň
argentinaly super ýyldyzy Lionel Messi laýyk görüldi. Şunlukda, “France
Football” žurnaly tarapyndan gowşurylýan “Ballon d’Or” baýragyny Lionel Messi
6-njy gezek eýeläp, ol bu ugurda rekordy öz adyna geçirdi. 32 ýaşly futbolçy
mundan ozal, 2009-njy, 2010-njy, 2011-nji, 2012-nji hem-de 2015-nji ýyllarda
“Altyn top” baýragyna mynasyp bolupdy. Geçen möwsümiň iň
köp gol geçiren oýunçysy Lionel Messi 2019-njy ýylda häzirki wagtda çenli 46
gezek tapawutlandy. Ol “Altyn top” baýragy ugrunda Wirgil Wan Deýk, Kristiano
Ronaldo, Sadio Mane hem-de Muhammed Salah ýaly ýyldyzlary yzda galdyrdy. Messi
sentýabr aýynda FIFA tarapyndan hem ýylyň iň ökde oýunçysy saýlanypdy.
Parižde geçirilen
dabarada ýylyň iň ökde zenan futbolçysyna berilýän “Ballon d’Or Feminin”
baýragyna amerikaly Megan Rapinou laýyk görüldi. Ýaş futbolçylaryň arasyndan
gollandiýaly Mattiýs de Light “Kopa Trophy” hem-de derwezeçilerden braziliýaly
Allison Beker “Yashin Trophy” baýraklaryna mynasyp boldy.