Russiýa Fedarasiýasynda ýaşaýan Azat Isakow oktiýabr aýynyň ahyrlarynda dereksiz ýitipdi. Ol 20-nji oktiýabrda polisiýanyň özüni almaga gelendigini habar bermäge ýetişipdi we şondan soňra ondan habar bolmady.
Mundan soňra Türkmenistanyň dereksiz ýiten raýatyny gözlemek bilen bagly hata jogap beren RF-niň IIM-niň wekili Azat Isakowyň 22-nji oktiýabrda Türkmenabada uçandygyny сообщил habar berdi.
Bu barada aladasyny adam hukuklary boýunça halkara Human Rights Wotç giramasy beýan etdi. Mundan owal aktiwist özüniň Türkmenistanda ýaşaýan garyndaşlaryna ýurdyň ýörite gulluklaryndan haýbat atmalaryň birnäçe gezek bolandygyny habar beripdi. Olar Azadyň çykyşlaryny togtatmagyny talap edipdirler.
HRW-iň beýannamasynda aýdylmagyna görä, Isakow watana dolanmak islemeýändigini ençeme gezek aýdypdy. Türkmenistanyň howa ýollary arklay ähli uçuşlary togtadandygy üçin Azadyň nädip ýurda dolanandygy belli däl. Mundan başgada, onuň pasporty ýok we pasportsyz uçara münmek mümkin däl.
“Aktiwistiň Rusýadan Türkmenistana äkidilendigi bilen bagly sowallar köp. Emma, onuň häzirki döwürde tussaglykda oturandygyna şübhe ýok we ol zorlukly dereksiz ýitmäniň bir pidasy boldy. Azada türkmen türmelerinde giň ýaýran gynamalar we gazaply ýüzlenmeler howp salýar”diýip HRW belleýär.
Adam hukuklaryny goraýjylar Isakowyň nirededigini tizden-tiz habar bermäge we ony boşatmaga Türkmenistanyň hökümetini çagyrýarlar.Olar hut şeýle çagyryşy türkmen wekilleri bilen ynsan hukuklary babatda her ýyl duşuşyklar geçirýän Amerikanyň prezidenti Jozef Baýdeniň we Ýewropa bileleşiginiň edaralarynyň hem etmelidigini belleýärler.The post HRW aktiwist Azat Isakowyň ykbalyny açyklamagyny we boşadylmagyny Türkmen häkimiýetlerinden talap etmäge ÝB we ABŞ çagyrýar first appeared on Türkmenistanyň Hronikasy.