Türkiýäniň hoşboý ys önümçiliginiň eksporty üstümizdäki ýylyň birinji ýarymynda 113 million dollara barabar boldy.
Egeý Galla we galla önümleri eksportçylar bileleşiginiň başlygy Muhammet Öztürk, beren ýazmaça beýannamasynda, Türkiýäniň lawr ýapragy we käkilik oty eksportunda dünýäde birinji orny eýeleýändigini aýtdy.
Muhammed Öztürk “Türk hoşboý ys pudagynyň eksporty üstümizdäki ýylyň birinji ýarymynda 113 million dollara barabar boldy. Egeý sebiti eksportda 74 million dollarlyk paýa eýe boldy. 2024-nji ýylyň ikinji ýarymynda hoşboý ys pudagynyň eksportyny 250 million dollara ýetirmegi maksat edinýäris” diýdi.
Öztürk, hoşboý ys pudagynyň eksportunda lawr ýapragynyň eksportynyň 57 göterim artyp 36 million dollara, käkilik otunyň eksportynyň 11 göterim artyp 27 million dollara we gara we gyzyl burç eksportynyň hem 27 göterim artyp 10,6 millin dollara barabar bolandygyny ýatlatdy.