“Hollywood”-yň meşhur studiýalarynyň biri bolan “Paramount” başga bir kompaniýanyň, “Skydance Media” kompaniýasy bilen goş birikdirer.Has takygy, “Skydance Media” kompaniýasy “Paramount” studiýasynynyň paýnamalaryny satyn alar. 1912-nji ýylda esaslandyrylan “Paramount” studiýasy “Hollywood”-yň iň gadymy 2-nji, dünýäde-de iň gadymy 6-njy kinostudiýa hasaplanýar. “Skydance” 2006-njy ýylda esaslandyrylyp, 2009-njy ýyldan bäri “Paramount” bilen bilelikde filmleriň önümçiligini gurap gelýärdi. “Terminator”, Ýerine ýetirip bolmajak missiýa” (Mission Impossible) filmleriniň soňky 4 bölümi, “Top Gan: Mawerik” (Top Gun: Maverick), “Star Trek” we başga-da birnäçe ilhalar filmler bu 2 studiýanyň bilelikdäki önümleri bolupdu.
CBS, “Nickelodeon”, “Paramount+” ýaly “Paramount”-yň garamagyndaky platformalar hem 2016-njy ýylda Skydance Media” kompaniýasyna öwrülen bu studiýanyň düzümine girer. “Paramount” studiýasy esasanam “Paramount+ sebäpli soňky ýyllarda maliýe babatda kynçylyk çekýärdi. “Paramount+” özi ýaly “Netflix”, “Disney Plus” we “Amazon Prime Video” streaming platformalaryndan yza galýardy we müşderi toplamakda garaşylýan netijäni bermändi.