UEFA Çempionlar Ligasynda “G” toparçadaky oýunlarda 7 gol geçirildi. Çempionlygyň güýçli dalaşgärlerinden diýlip görkezilýän “Mançester Siti” myhmançylykda “Sewilýa” bilen duşuşdy.Myhmanlaryň doly artykmaçlygynda geçen oýunda “Mançester Siti” 4-0 hasbaynda ispan klubuny ýeňlişe sezewar etdi.
Pep Guardiolanyň tälim berýän toparyna ýeňiş getiren gollary 20-nji we 67-nji minutlarda Erling Holann, 58-nji minutda Fil Foden hem-de 90+2-nji minutda Ruben Diaş geçirdi.
Duşuşykda 2 gezek tapawutlanan Erling Holann Çempionlar Ligasyndaky 20-nji duşuşygynda 24-25-nji gollaryny geçirdi.Ol 20 oýunda 25 gol geçiren ilkinji futbolçy boldy.Ondan öň Nistelrooý 30 oýunda 25 gol geçiripdi. Şeýle-de, Holann Çempionlar Ligasynda 3 başga klub bilen ilkinji duşuşygynda gol geçiren 4-nji futbolçy (Fernando Morientes, Hawier Sawiola, Zlatan Ibrahimowiç) hökmünde hasaba alyndy.
Häzirki wagtda UÇL-de norwegiýaly ýyldyz oýunçy Holanndan öňde gol geçirmekde 31 oýunçy bar. Ýeri gelende aýtsak, Messi 20 oýunda 8 gol geçirdi.Ronaldo bolsa ýeke gol hem salyp bilmedi.
Messi 25 gola 42, Ronaldo 63 oýunda ýetmegi başardy.
Toparçadaky beýleki duşuşykda-da Dortmundyň “Borussiýasy” öz meýdançasynda Daniýanyň “Kopengagen” toparyndan 3-0 üstün çykdy. Nemes klubuna ýeňiş getiren gollary Marko Roýs (35), Rafael Gerreýro (42) hem-de Jud Bellingam (83) öz atlaryna ýazdyrdylar.