Hizbullahdan berlen ýazmaça beýannamada, çaknyşyklarda ysraýylly 17 esgeriň öldürlendigine üns çekildi.
Ysraýylyň harby goşuny bolsa gury ýer hüjümleriniň başlan güni bolan 30-njy sentýabrdan bäri Liwandaky çaknyşyklarda 9 esgeriniň ýogalandygyny mälim etdi.
Ysraýylyň harby goşuny 30-njy sentýabrda Liwanyň günortasynda Hizbullaha degişli ýerlere çäkli gury ýer hüjümini başladandygyny aýan edipdi.
Hizbullah bilen 2023-nji ýylyň 8-nji oktýabryndan bäri çaknyşýan Ysraýylyň harby goşuny 17-18-nji sentýabrda Hizbullahyň aragatnaşyk ulgamyny nyşana alypdy.
23-nji sentýabrda hem Liwanyň günortasyndaky şäherler bilen birlikde Bekaa we Baalbek sebitlerine ýüzlerçe howa hüjümini gurapdy.
Liwanly resmilere görä, Hizbullahyň aragatnaşyk ulgamynyň nyşana alynan gününden ýagny 17-nji sentýabrdan bari 104-i çaga we 194-i zenan bolmak bilen 1374 adam ýogaldy.
Hizbullahyň lideri Hasan Nasrallah, Ysraýylyň harby goşunynyň 27-nji sentýabrda Beýruda guran howa hüjüminde öldürildi.