Şwesiýanyň Ore şäherinde geçirilen dag lyžasy boýunça 45-nji Dünýä çempionaty tamamlandy.Iki hepdeläp dowam eden çempionata 76 ýurtdan 500-e golaý türgen gatnaşyp, olar dag lyžasynyň 6 görnüşi boýunça özara bäsleşdiler.
Medallaryň sanawynda 12-nji orunlary Norwegiýa bilen Şweýsariýa paýlaşdy.Olaryň ikisi-de 2 altyn, kümüşdir bürünç medallaryň hersinden hem birini gazandylar. 3-nji ýeri-de 2 altyn, 2 bürünç medal alan amerikalylar eýeledi.
Amerikaly Mikaela Şiffrin 2 altyn medal gazandy.Erkekleriň arasyndaky ýaryşlarda daunhillde norwegiýaly Kýetil Ýansrud, super G-de italiýaly Dominik Paris, gigant slalomda norwegiýaly Henrik Kristofferson, slalomda awstriýaly dünýä belli lyžaçy Marsel Hirşer, kombinasiýada bolsa, fransiýaly Aleksis Pentýuro altyn medala mynasyp boldy.
Marsel Hirşer umumylykda Dünýä çempionatlaryndaky 9-njy altyn medalyny gazandy.Zenanlaryň arasynda daunhillde sloweniýaly Ilka Ştuheç, gigant slalomda slowakiýaly Petra Wlhowa, kombinasiýada bolsa, şweýsariýaly Wendi Holdner münberiň iň ýokarky basgançagyna çykdy.
Super G we slalom ýaryşlarynda ýeňiji bolan amerikaly belli lyžaçy Mikaela Şiffrin Dünýä çempionatlaryndaky altyn medallarynyň sanyny 7-ä ýetirdi.Toparlaýyn ýaryşlarda-da Şweýsariýanyň ýygyndysy altyn, awstriýalylar kümüş, italýanlar bürünç medaly eýelediler.