Hindi aýdymçysy, kompozitor we aktrisa Lata Mangeşkar 92 ýaşynda aradan çykdy. Bu barada ýurduň NDTV teleýaýlymyna esaslanyp, Belta habarlar gullugy habar berdi.
Aktrisanyň koronawirus ýokanjyndan Mumbaý şäheriniň hassahanasynda aradan çykandygy aýdylýar. NDTV teleýaýlymynyň bellemegine görä, Mangeşkar hindi kinosynyň iň görnükli wekilleriniň biri bolmak bilen, ony Hindistanyň bilbili diýip atlandyrýardylar. Ol ýerli kinofilmleriň müňlerçesinde aýdymlary ýerine ýetirdi.
Lata Mangeşkaryň aradan çykmagy bilen bagly Hindistanyň hökümeti 6-7-nji fewraly umumymilli matam günleri diýip yglan etdi.
Aýdymçy zenanyň ýerine ýetiren aýdymlary Sergezdan (Awaara, 1951), Bobbi (Bobby, 1973), Ar we kanun (Sholay, 1975), Gang, seniň suwuň bulandy, şeýle-de Alybabanyň we kyrk garakçynyň başdan geçirenleri atly belli filmlerde ýaňlandy.