Katar 2022 Dünýä Kubogynyň saýlama tapgyrynyň Günorta Amerika zolagynda nobatdaky duşuşyklar oýnaldy. Ýeňlişsiz barýan Braziliýa myhmançylykda Urugwaýyň ýygyndysyny Artur (34) hem-de Rişarlisonyň (45) gollary bilen 2-0 utdy.
Edil şol hasap bilen Argentina hem myhmançylykda Perunyň ýygyndysyndan üstün çykdy.Argentinlere ýeňiş getiren gollary Nikolas Gonzales (17) bilen Lautaro Martines (28) derwezä girizdi.Tapgyryň iň garaşylmadyk netijesi Ekwador bilen Kolumbiýanyň arasyndaky oýunda hasaba alyndy.
Duşuşykda ýer eýeleri 6-1 hasabynda ýeňşini baýram etdi. 1-nji ýarymda 4 gol geçiren Ekwadoryň adyndan 6 futbolçy Arboleda, Mena, Estrada, Arreaga, Plata hem-de Estupinýan derwezä girizdi.
Wenesuela hem öz meýdançasynda Çiliden 2-1 üstün çykyp, janköýerlerini begendirdi.Paragwaý bilen Boliwiýa bolsa 2-2 deňme-deň oýnady.