Türkiýäniň Beýik Millet Mejlisiniň başlygy Mustafa Şentop, Bartynda bolan magdan heläkçiliginde ýogalanlar üçin gynanç bildirdi
TBMM-niň başlygy Şentop, Türkiýäniň Daşkömürü edarasynyň çäginde iş alyp barýan magdan käninde bolan partlama sebäpli Bartynyň häkimi Nurtaç Arslana telefon edip heläkçilik hakynda maglumat aldy.
Mustafa Şentop, magdan heläkçiliginde ýogalanlara Alladan rehnet, hossarlaryna sabyr, ýaralananlara şypa diledi.
Şentop, magdan heläkçiligi sebäpli Twitterden beren habarnamasynda “Heläkçilikde ýogalanlara Alladan rehnet, hossarlaryna sabyr, ýaralananlara şypa dileýärin” diýdi.
Şentop “Harabalygyň aşagynda dogan doganlarymyzyň sag aman halas bolmagy we heläkçilikde ýogalanlaryň sanynyň artmazlygy üçin doga edýäris. Eziz halkymyza gynanç bildirýäris” diýdi.