Amerikanyň HBO striming ulgamy meşhur Tagtlaryň oýny (Игра престолов) serialynyň dowamyny surata düşürmäge girişdi, tapgyr tutuşlygyna baş gahryman Jon Snoua bagyşlanar. Bu barada Hollywood Reporter žurnaly habar berdi diýip, MIR24 ýazýar.
Tapgyrda baş keşbi ýene-de Kit Harington ýerine ýetirýär, şeýle-de öňki bölümlerde aman galan gahrymanlar, şol sanda Arýa Stark, Sansa Stark we Briýenna Tart dagy peýda bolar diýlip garaşylýar.
Ýeri gelende aýtsak, bu teleserial HBO ýaýlymynyň bütin taryhynda iň meşhur taslama bolup durýar we ol köpsanly Emmi telewizion baýraklaryna mynasyp boldy.
Tagtlaryň oýnunyň ilkinji görkezilişi HBO serwisinde 2011-nji ýylda boldy, onuň jemleýji — sekizinji möwsümi 2019-njy ýylda ýaýlyma çykdy.
Filmiň esasynda ýazyjy Jorj Martiniň Buzuň we alawyň aýdymy diýen romanlar tapgyry ýatýar.
Aždarhanyň öýi diýlip at berlen täze serial 21-nji awgustda ýaýlyma çykar, onuň birinji möwsümi 10 bölümden ybarat bolar.