Aziýanyň iň uly klub bäsleşigi AFK Çempionlar ligasynda ýarym finalçylar belli boldy. Öz meýdançasynda “Al-Nassr” (S.Arabystany) toparyndan 31 hasabynda üstün çykan Hawiniň tälimçiligindäki “Al-Sadd” (Katar) topary ýarym finala adyny ýazdyrdy. 1-nji oýunda 21 utulan katar klubunyň gollaryny Afif (26), Al-Haýdos (59) hem-de Bunedjah (83 p) derwezä girizdi.
Saud Arabystanynyň iki klubunyň arasynda golsuz geçen 1-nji oýundan soň, jogap duşuşygynda Razwan Luçeskunyň tälim berýän “Al-Hilal” topary “Al-Ittihady” 31 hasaby bilen ýeňdi.Karillo (44), S.
Al-Dawsari (48) hem-de Jowinkonyň (78) gollary bilen ýeňşini baýram eden “Al-Hilal” ýarym finalda “Al-Sadd” bilen duşuşar.Hytaý hem-de ýapon toparlarynyň öz arasynda oýnalan beýleki çärýek final oýunlaryndan soň, her döwletden 1 topar ýarym finalçy boldy.
Iki duşuşyk hem edil 1-nji oýunlardaky ýaly deňlikde tamamlandy. Ýeňijileri myhmançylykda geçirilen gollar kesgitledi. Ýagny Hytaýda 22 hasabynda deňlikde oýnan “Şanhaý SIPG” bilen “Urawa Red Daýmondsyň” jogap duşuşygy 11 tamamlandy.
Netijede, 2017-nji ýylyň çempiony “Urawa Red Daýmonds” ýaryşy dowam etdirmäge hukuk gazandy.Golsuz geçen 1-nji oýnuň jogap duşuşygynda soňky çempion Ýaponiýanyň “Kaşima Antlers” topary Hytaýyň “Guangžou Ewergrand” kluby bilen 11 deňme-deň oýnap, ýaryşdan çykdy. Ýarym finalda “Urawa Red Daýmonds” topary bilen Fabio Kannawaronyň tälim berýän “Guangžou Ewergrand” kluby duşuşar. Ýarym final oýunlary 12-nji hem-de 2223-nji oktýabrda oýnalar.