Türkiýäni ýasa bogan güýç merkezi Karhamanmaraş bolan ýer titremesinden soň ýüzlerçe halas ediş topary we müňlerçe meýletin harabalygyň aşagyndan şatlykly habarlaryň alynmagy üçin gije-gündiz diýmän işleýär.
Ýer titremesiniň üstünden birnäçe sagadyň geçendigine garamazdan harabalygyň aşagyndan begendiriji habarlar gelmäge dowam edýär.
Hataýda harabalygyň aşagynda galan 2 zenan 48 sagat soň halas edildi.
Gözleg we halas ediş toparlary 52 ýaşyndaky Mona Gazel bilen 74 ýaşyndaky Nejla Melegy harabalygyň aşagyndan sag aman halas etdi.
Gazel bilen Melek hassagahanada bejergi astyna alyndy.
Gözleg we halas ediş toparlary Hataýyň İskenderum etrabynyň Mustafa Kemal etrapçasynda siriýaly 33 ýaşyndaky İmed Sabha bilen 2 ýaşyndaky gyzy Wafe Sabhany sag aman halas etdi.
Hataýyň merkezinde Ugur Mumju köçesinde ýykylan binanyň harabalygyndan bir çaga 45 sagat soň sag aman halas edildi.
Adyýamanda hem 36 sagat soň bir bäbejik harabalygyň aşagyndan sag aman halas edildi.
Şanlyurfada 5 gatly binadan 6 ýaşyndaky Ahmet Aýak Abaka 47 sagat soň sag aman halas edildi.