Formula 1 boýunça möwsümiň 3-nji ýaryşy Wengriýanyň paýtagty Budapeştdäki Hungaroring trassasynda geçirildi. 70 aýlawdan ybarat bolan ýaryşda Mercedes toparynyň iňlis sürüjisi Lýuwis Hamilton ýeňiş gazandy.Ilkinji hatardan bat alan Hamilton 1 sagat 36 minut 12,473 sekuntda pellehana gelip, bassyr 2-nji karýerasyndaky 86-njy ýeňşini gazandy. Şeýlelikde, onuň Mihail Şumaheriň 91 ýeňişlik rekordyny gaýtalamagyna ýene-de 5 ýeňiş galdy.
Red Bull toparynyň niderland sürüjisi Maks Werstappen ýeňijiden 8,7 sekunt yza galyp 2-nji orny eýeledi.Topardaşy Hamiltondan 9,4 sekunt soň pellehana gelen finlýandiýaly Waltteri Bottas münberiň 3-nji basgançagyna çykdy.
Geçirilen 3-nji ýaryşdan soň, utugyny 63-e ýetiren Lýuwis Hamilton sanawda 1-nji orna beýgeldi. Bottasyň 58 utugy bolup, ol 2-nji ýeri eýeleýär. Möwsümiň 3-nji bäsleşigi 2-nji awgustda Beýik Britaniýada geçiriler.