Netanýahu Ysraýylyň goşunlarynyň howadan we gury ýerden Gaza guraýan hüjümleri hakynda Tel-Awiwde metbugat ýygnagyny geçirdi.
Bombalanýan Gazada günsaýyn agyrlaşýan gumanitar ýagdaý sebäpli hüjümleriň bes edilmegi boýunça berilýän çagyryşlara garamazdan Hamasyň elindäki ysraýylly ýesirlere ünsiçeken Netanýahu; “Zamun alynanlaryň ählisi boşadylýança hüjümler bes edilmez” diýdi.
Ysraýylyň goşunlarynyň 31-nji oktýabrda Gaza başladan guryýer operasiýasyndan netije alynandygyny öňe süren Netanýahu; “Hamas, baryp bilmejekdigimizi pikir eden ýerlerine barandygymyzy görýär. Gaza şäheri gabaw astyna alyndy. Biz şäheriň içinde operasiýa geçirýäris, Hamasa edilýän gysyşy günsaýyn, sagatsaýyn agyrlaşdyrýarys” diýdi.
Ysraýylyň Premýer-ministri Hamasyň elindäki ýesirler boşadylman, Gaza ýangyç geçirilmegine hem rugsat bermejekdiklerini aýtdy.
Liwan serhedinde Ysraýylyň goşuny bilen Hizbullahyň arasynda bolýan çaknyşyklar hakynda-da durup geçen Netanýahu, Hizbullahyň gurajak “ähli hüjüme güýçli garşylyk görkezjekdiklerini” aýtdy.