Türkiyäniň Daşary işler ministri Hakan Fidan şu gün Liwana, soň bolsa Saud Arabystanyna sapar gurar.
Ministr Hakan Fidan ilki bilen liwanly kärdeşi Abdallah Bouhabibiň çakylygyna laýyklykda Liwana gider.
Geçiriljek duşuşyklarda ikitaraplaýaýyn gatnaşyklar bilen birlikde sebitleýin we global meseleleriň ele alynmagyna garaşylýar.
Daşary işler ministri Hakan Fidanyň 2-nji duralgasy bolsa Saud Arabystanynyň Jidda şäheri bolar.
Ministr Hakan Fidan Yslam Hyzmatdaşlyk Guramasynyň açyk gatnaşykly ýerine ýetiriji komitetiň maslahatyna gatnaşar.
Maslahatda Ysraýylyň tapawut goýmadan Gazadaky palestina halkynyň ählisini nyşana alýan harby aksiýalaryna garşy Yslam Hyzmatdaşlyk Guramasynyň çäginde edilip bilinjek ädimler ele alynar, gurama agza ýurtlar tarapyndan umumy çemeleşmesiniň kesgitlenilmeginiň üstünde durulyp geçiler.
Hakan Fidan Ysraýylyň Palestinadaky edýänleriniň bes edilmegi üçin ozal bolsa Müsüre sapar gurapdy.