60-njy Mýunhen Howpsuzlyk konferensiýasyna gatnaşmak üçin Germaniýa giden Daşary işler ministri Hakan Fidan, Gresiýanyň Daşary işler ministri Ýorgos Ýerapetritis bilen duşuşdy.
Daşary işler ministrliginiň metbugat sekretary Önjü Keçeliniň sosial mediadan beren habarnamasyna görä, Fidan bilen Ýerapetritis Mýunhende duşuşdy.
Iki kärdeş duşuşykda özara we sebitara gatnaşyklar bilen birlikde 7-nji dekabrda Afinide geçirlen Ýokary derejeli hyzmatdaşlyk geňeşiniň 5-nji maslahatynda baglaşylan şertnamalaryň ýerine ýetirliş tapgyry we Ynamy artdyjy çäreler maslahatynyň çäginde durmuşa geçiriljek işler hakynda pikir alyşdy.
Daşary işler ministrliginiň metbugat sekretary Önjü Keçeli habarnamasynda, duşuşykda Gresiýanyň Premýer-ministri Kirýakos Mikotakisiň paýtagt Ankara gurajak sapary üçin görülýän taýarlyklaryň hem ara alnyp maslahatlaşandygyny belledi.