7-nji iýulda dünýäde emele gelen çylşyrymly ýagdaýlar sebäpli iki ýyllyk arakesmeden soň Yslamyň bäş esasy şertiniň biri bolan mukaddes Käbä haj zyýaraty başlandy. Her bir musulmanyň ömründe, azyndan, bir gezek haj zyýaratyny berjaý etmegi parz hasaplanýar.
Şu ýyl haja gatnaşmak üçin türkmenistanly zyýaratçylar bilen birlikde, 1 milliona golaý daşary ýurtly zyýaratçylar gatnaşýar. Zyýaratçylar egnine yhram atyp, mukaddes Käbänyň daşyndan aýlandylar. Öňki iki ýylda covid-19 pandemiýasy sebäpli zyýaratçylaryň sany ep-esli çäklendirilip, haj zyýaratyny patyşalygyň diňe birnäçe müň raýaty hem-de Saud Arabystanynda ýaşaýan daşary ýurtlular berjaý edipdi.
Resmi SPA gullugy Saud Arabystanynyň Haj we Umra ministrligine salgylanyp, zyýaratçylaryň howpsuzlygy we saglygy üçin ähli çäreleriň görlendigini we mümkinçiligi çäkli adamlar hem-de maýyplar üçin ýörite hyzmatlaryň guralandygyny mälim etdi.