BMG-niň garamagyndaky kazyýet organy bolan Halkara Adalat Diwany Azerbaýjan bilen Ermenistanyň arasyndaky “rasist diskriminizm” boýunça seredilýän kazyýet işlerinde wagtlaýyn çäre görmek boýunça kararlaryny çap etdi.
Gollandiýanyň Gaga şaherinde ýerleşýän Halkara Adalat Diwany: “Rasist diskriminasiýanyň ortadan aýrylmagy hakynda halkara Konwensiýanyň” düzgünleriniň bozulmagy hakyndaky Azerbaýjan bilen Ermenistanyň arasyndaky kazyýet işlerinde iki taraply wagtlaýyn çäreleriň görülmegine höküm etdi.
Diwan Azerbaýjanyň gozgan işi boýunça çäre kararynda Ermenistanyň azerbaýjanlylara garşy käbir etmişleriniň rasist diskriminasiýa konwensiýasynyň birnäçe maddalarynda beýan edilýän düzgünleri bozanýandygy nygtaldy.
Diwan aýratynam azerbaýjanlylara garşy sosial mediada alynyp barylýan hemle, kemsitme we garalama kampaniýalaryna ünsi çeken Azerbaýjan wekiliýetinin talabyna laýyklykda Ermenistandan azerbaýjanlylara garşy etniki diskriminasiýa etmezligini isledi.
Kararda Ermenistandan ýigrenç jenaýatyny edýän ermenileriň öňüni almalydygy ýatladylýar.
Kararda Ermenistanyň ylalaşyga garamazdan Garabagda ýeriň aşagyna mina goýmaga dowam etmegi boýunça hiç hili höküm çykarmadyk Diwan, iki ýurda dartgynlygy agyrlaşdyryjy çemeleşmelerden çetde durmaklary üçin çagyryş etdi.