Aňzak: şatlama sowuk, gurak aýaz, şemally aýaz.
Aýaz: gury sowuk, şatlama aňzak, kesip barýan çapgyn sowuk.
Aýazlatmak: aýazlap durar ýaly sowuk ýerde goýmak.
Boragan: garly, ýagyşly, jöwenekli, çapgynly sowuk, harasat.
Burjy: gyşyň sowuk aýlarynda agaçlaryň, ösümlikleriň üstünde emele gelýän gar görnüşli buz.
Çakyr aýaz: gury ýiti aýaz, içiňden-bagryňdan geçip barýan sowuk.
Çapgyn: içiňden geçip barýan ýelli, örän güýçli, şemally, kesip barýan sowuk.
Çigrek: ertir-agşam we gijesine düşýän ýeňiljek sowuk, çalaja aýaz.
Çille: gyş paslynyň iň sowuk günleri, gyşyň örküji.
Çyplak: sowuk howada ýeňil geýnen, egni ýuka geýimli, çyplaň.
Doňak: sowuk sebäpli doňup galan, doň.
Gara gyş: gyşyň aňzakly sowuk wagty.
Gaý: ygally, ýagynly, güýçli sowuk ýel, harasat, apy-tupan.
Gyraw: ir ertiriň ümürliräk sowuk howasynda ýeriň, otuň, çöp-çalamlaryň üstüne düşüp, ýukajyk ak örtük emele getirýän gar tozgajyklary görnüşindäki ygal.
Gyş: güýzüň yzýany başlanýan we ýazyň gelmegi bilen tamamlanýan iň soňky pasyl.
Hazan: hijri-kamary ýyl hasaby boýunça akrabyň öň ýany, güýz paslynyň ýapraklar dökülip, ekinleri sowuk urýan döwri.
Hazan urmak: akrabyň öň ýanynda sowuk urmak.