Häzirki wagtda Gyrgyzystanyň futbol çempionatynda türkmenistanly oýunçylaryň diňe ýekejesi bar. Bu barada Sport.kg habar berdi.
Mälim bolşy ýaly, türkmenistanly derwezeçi Rahat Japarow häzirki wagtda ýurduň Abdyş-Ata futbol toparynyň derwezesini goraýar. Onuň topary ilkinji tapgyrlarda üstünlikli hem çykyş edýär.
Geçen möwsümlerde gyrgyz çempionatynda Ata Geldiýew, Wahyt Orazsähedow, Rahmet Şermetow, Amir Gurbany ýaly ildeşlerimiz futbol oýnady. Şu möwsümde türkmenistanly hünärmen Maksim Belyhyň Kaganatyň tälimçiler düzümine goşulandygyny hem aýtmak gerek. Toparda tälimçi Röwşen Meredowa hem garaşylýar.
Umuman, häzirki wagtda Gyrgyzystanyň Premýer ligasynda daşary ýurtly futbolçylaryň 41-si çykyş edýär. Şolaryň 16-sy özbek futbolçylarydyr. Ikinji orunda 7 futbolçy bilen Russiýa, üçünji orunda 5 futbolçy bilen Gana bar.
Rahat Japarowyň topary düzüminde iň kän daşary ýurtly bolan toparlaryň ilkinji dörtlügine girýär. Abdyş-Atada biziň ildeşimiz bilen bile 5 legioner bar. Çempionatyň legioneri iň kän bolan topary bolsa Nur-Batkendir. Bu toparyň düzüminde 8 sany daşary ýurtly futbolçy bar. Täze möwsüme garaşylan depginden pes başlan häzirki çempion Dordoý möwsümde bary-ýogy 3 legioner futbolçy bilen çykyş edýär.