Şu gün Gyrgyz Respublikasynyň Batken welaýatynyň Appaz Žaýnakow adyndaky sazly-drama teatrynyň döredijilik topary ýurdumyzda dowam edýän Bagtyýarlyk döwrüniň teatr sungaty atly IV halkara festiwalyň çäklerinde rkadag şäheriniň Aman Gulmämmedow adyndaky döwlet drama teatrynyň sahnasynda Magtymguly Pyragy atly sahna eseri bilen çykyş etdiler.
Türkmenistanly režissýor Umrathan Meläýewanyň režissýorlyk etmeginde sahnalaşdyrylan Magtymguly Pyragy spektakly türkmen halkynyň meşhur akyldar şahyry Magtymguly Pyragynyň ýaşlyk söýgüsi barada gürrüň berýär.
Spektaklda şol döwrüň deň bolmadyk durmuşynda ýaşan ýaşlaryň söýgüsine päsgel beren gapma-garşylyk we adalatsyzlyk, şeýle hem türkmen halkynyň zehinli oglunyň eziz halkyna we ene topragyna bolan çäksiz söýgüsi we watançylyk duýgusy çuňňur beýan edilýär.