Gyrgyzystanyň günortasyndaky suw süýşgünlerinde bäş adam gurban boldy. Bu barada ýurduň Adatdan daşary ýagdaýlar boýunça ministrligi habar berdi diýip, Belta.by ýazýar.
Tebigy betbagtçylyk Oş oblastynyň Nookat etrabyna aralaşdy, ol ýerde güýçli ygal sebäpli dörän sil joşmasy iki köprini we elektrik sütünlerini ýykdy, 15 hususy howlyny gark etdi.
Suw süýşgünleri ýedi adamy äkitdi, olaryň bäşisi heläk boldy, ikisi gözlenilýär.
Abşyr-Ata dynç alyş zolagynda ýollaryň birini suwuň hatardan çykarmagy sebäpli 1,3 müň adam daşky dünýäden üzňe galdy.
Ýagdaý bilen baglylykda, Nookat etrabynda adatdan daşary ýagdaý yglan edildi.