ABŞ-da ştatlaryň 24-sinde soňky ýedi ýylda guş dümewiniň iň köp ýaýramagy hasaba alyndy diýip, ýurduň Oba hojalyk ministrligi habar berdi diýip, MIR24 ýazýar.
Haýwanat baglary howpsuzlygy üpjün etmek üçin ýokary çäreleri görýärler. Guş dümewi örän ýokuşagan bolansoň, haýwanat baglaryndaky ganatlylary içki wolýerlere (haýwan saklanýan demir gözenekli jaý) salýarlar. Indi olary diňe aýnanyň aňyrsyndan synlap bolýar.
Soňky maglumatlara görä, ýokary patogenli guş dümewini ştatlaryň 24-sindäki 72 telekeçilik we 46 şahsy hojalyklarda hasaba aldylar. Häzir guşlaryň 22,8 million sanysy keseliň pidasy boldy. Adamlaryň arasynda kesellänler ýok.
Guş dümewiniň ýaýramagy sebäpli ýumurtganyň nyrhy gymmatlady, ol gyt haryda öwrüldi. Adamlaryň 17-nji aprelde bellenýän katolik Pasha baýramynda ýumurtgasyz galmagy mümkin.