Prezident R. T. Erdogan, Gurhana garşy guralýan hüjümlere “söz azatlygy” bahanasy bilen rugsat berilmegini kabul etmejekdiklerini her pursatda beýan edýändiklerini aýtdy.
Prezident Erdogan, Prezidentiň Kompleksinde ABŞ-nyň Musulman guramaçylyklary geňeşiniň Baş sekretary Osame Jemalyň ýolbaşçylygyndaky wekiliýeti kabul etdi.
Musulmanlar hökmünde terror jenaýatlary bilen birlikde şol bir wagtda birnäçe mesela garşy göreşýändiklerini aýdan Erdogan, “Günbatarly ýurtlarda gün saýyn ýaýbaňlanýan yslam duşmançylygyna alada bildirýäris. Yslam duşmançylygyna garşy musulmanlaryň alyp barýan göreşine kanagatlanma bildirýärin. Musulmanlaryň, yslam duşmançylygyna, hoşniýetsizlige we rassizme garşy birlikde hereket etmegi we şol howplara garşy tutanýerli tutum alyp barmagy diýseň möhüm”diýdi.
Prezident Erdogan, Ýewropada musulmanlaryň mukaddes kitaby Gurhana garşy guralýan hüjümlere “söz azatlygy” bahanasy bilen rugsat berilmegini kabul etmejekdiklerini her pursatda beýan edýändiklerini nygtap, “Bu açyk aýdyň ýigrenç jenaýatydyr. Şwesiýada, Gollandiýada we Daniýada birnäçe gezek gaýtalanan hüjümler, demokratiýa we adam hukuklaryna şol sebitlerde sarpa goýulmaýandygyny görkezýär”diýip belledi.
Geňeşiň agzalaryna ýüzlenen Erdogan, “Gurhana garşy guralýan hüjümleriň söz azatlygy bahanasy bilen düşündirlip bilinmejekdigini, hüjümleriň durnuklylygy we asudalygy nyşana alýandygyny Amerikan kongresinin agzalarynyň başda durmagynda ähli syýasy toparlara giňişleýin gürrüň bermegiňize garaşýaryn.
Türkiýä garşy bolan lobileriň garalama kampaniýalarynyň täsirsiz ýagdaýa getirilmeginde sizin goldawyňyzyň has netijeli boljakdygyna ynanýaryn.Terror guramalary PKK, PÝD, ÝPG we FETÖ hakyndaky hakyklataryň Amerikan halk köpçüligine düşündirilmeginde sizden goldawa garaşýaryn” diýdi.