Gurbanguly Berdimuhamedow Rejep Taýyp Ärdogany Türkmenistana sapara çagyrdy

Gurbanguly Berdimuhamedow Rejep Taýyp Ärdogany Türkmenistana sapara çagyrdy

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow sişenbe güni Türkiýe Respublikasynyň Prezidenti Rejep Taýyp Ärdogan bilen telefon arkaly söhbetdeş bolup, onuň barşynda türk Liderini özi üçin amatly wagtda Türkmenistana sapar bilen gelmäge çagyrdy.

Türkmenistanyň resmi metbugatynyň habar bermegine görä, söhbetdeşligiň dowamynda taraplar dostlukly gatnaşyklary pugtalandyrmak meselelerini we öňde boljak çäreleri ara alyp maslahatlaşdylar.

Gurbanguly Berdimuhamedow türkmen halkynyň şahyry Magtymguly Pyragynyň doglan gününiň 300 ýyllygyna bagyşlanan halkara foruma taýýarlyk görmekde beren goldawlary üçin Ärdogana hoşallyk bildirip, beýik şahyryň mirasyny goramakda we wagyz etmekde türk Lideriniň uly goşant goşandygyny belledi.

Söhbetdeşler medeni, dil we ruhy umumylyga esaslanýan ikitaraplaýyn gatnaşyklaryň strategik häsiýete eýedigini bellediler.

Telefon söhbetdeşliginiň ahyrynda Türkmenistanyň Halk Maslahatynyň Başlygy Gurbanguly Berdimuhamedow we Türkiýe Respublikasynyň Prezidenti Rejep Taýyp Ärdogan birek-birege berk jan saglyk, bagtyýarlyk, iki ýurduň doganlyk halklaryna bolsa parahatçylyk, rowaçlyk we gülläp ösüş arzuw etdi.

Mundan başga-da, Türkmenistanyň Prezidenti Serdar Berdimuhamedow sişenbe güni Türkiýe Respublikasynyň Prezidenti Rejep Taýyp Ärdogany Türkmenistanyň “Magtymguly Pyragynyň 300 ýyllygyna” atly ýubileý medaly bilen sylaglamak hakynda Permana gol çekdi.

Ýene degişli makalalar

Türkmenistanyň Prezidenti Türkiýe Respublikasynyň Prezidentine gynanç bildirdi
Türkmenistanyň Prezidenti Türkiýäniň söwda ministri bilen duşuşyk geçirdi
Türk raýatlary türkmen aýallarynyň Türkmenistandan çykarylmagyny soraýar
TDG-niň Aksakgallar geňeşi Gurbanguly Berdimuhamedowy Budapeştde boljak mejlise çagyrdy
Gurbanguly Berdimuhamedow TDG-niň Aksakgallar geňeşiniň Budapeştde geçiriljek 16-njy mejlisine gatnaşmaga çagyryldy
Türkmen halkynyň Milli Lideri TDG- nyň Aksakgallar geňeşiniň 16-njy mejlisine gatnaşmaga çagyryldy
9-njy oktýabrda Türkmenistanyň esasy habarlarynyň daýjesti