11-nji iýulda öňki prezident Gurbanguly Berdimuhamedow prezident oglynyň adyndan Ýaponiýanyň öňki premýer-ministri Sindzo Abeniň ölümi bilen ilteşikli gurbanlyk sadaka berdi diýip TDH döwlet täzelikler gullugy maglumat berýär.
Neşiriň maglumatyna görä, sadaka kaşaň “Arkadag” myhmanhanada hökümet agzalarynyň, harby we hukuk goraýjy edaralarynyň ýolbaşçylarynyň, posollaryň we halkara guramalaryň wekilleriniň gatnaşmagynda berildi.
“Hajy Arkadag oňa gatnaşanlaryň öňünde eden çykyşynda bu sadaka Arkadagly Serdaryň adyndan Ýaponiýanyň öňki premýer-ministri Sindzo Abeniň ýagty ýadygärligine bagyşlanýar” diýip TDH ýazýar.
Öňki prezident Sindzo Abe bilen birnäçe gezek duşuşandygy,onuň Türkmenistanyň we Ýaponiýanyň hyzmatdaşlygyny pugtalandyrmaga hem ösdürmäge uly goşant goşandygy barada gürrüň berdi.
Ol Ýaponiýanyň ilçihanasynyň ýolbaşçylaryna we wekillerine gynanjyny bildirip, Türkmenistanyň prezidentiniň adyndan Ýaponiýanyň imperatory Naruhito we premýer-ministri Fimiýo Kosida çuňňür gynanç ýetirmegi Ýaponiýanyň ilçisinden sorady.
Şeýlede prezidentiň kakasy özüniň hem maşgalasynyň adyndan Sindzo Abeniň maşgalasyna gynanjyny we goldawyny ýetirmegi sorady.
Sindzo Abe 8-nji iýulda 67 ýaşynda öldürildi.Ol Ýaponiýanyň günortasyndaky Nara şäherinde çykyş edýärkä, arkasyndan gelen näbelli kişi ot açdy we wakadan birnäçe sagat soňra keselhanada aradan çykdy.The post Gurbanguly Berdimuhamedow oglunyň adyndan Sindzo Abe üçin sadaka berdi first appeared on Türkmenistanyň Hronikasy.