Gurbanguly Berdimuhamedow "Milletiň atasy" atlandyryldy

Gurbanguly Berdimuhamedow "Milletiň atasy" atlandyryldy

Türkmenistanyň Halk maslahatynyň başlygy Gurbanguly Berdimuhamedow 9-njy ýanwarda “guramaçylyk döwlet toparynyň” ilkinji mejlisini geçirende, “Watan” habarlarynyň maglumatyna görä, ilkinji gezek “Milletiň atasy” diýlip atlandyrdy.

Ýöne, adatça bolşy ýaly, öňki prezidente metbugatda alnyp göterilmegine garaşylýan täze derejäni’ dile getiren resminiň öz aýdan sözleri eşitdirilmän, onuň ulanyşa girizýän adalgasy telewideniýäniň diktorynyň okamagynda halka ýetirildi.

Bu täzeligi” ilkinji bolup “Türkmen.News” neşiri habar berdi.

“Guramaçylyk döwlet toparynyň” ýakynda, prezidentiň karary esasynda döredilendigi, oňa Halk maslahatynyň başlyklyk edýändigi habar berilýär.

Şeýle-de, habarda aýylmagyna aýtmagyna görä, ozal esasan “Gahryman Arkadag”, “Milli lider” lakamlary bilen tanalýan Berdimuhamedowy ilkinji bolup “Milletiň atasy” atlandyran wise-premýer, daşary işler ministri Raşid Meredow guramaçylyk döwlet toparynyň başlygynyň orunbasary bolup durýar.

Şunuň bilen baglylykda, göz öňünde tutulýan halkara çärelerini ýokary guramaçylyk derejesinde geçirmek üçin, toparyň agzalarynyň ähli meseläni R.Meredowyň üsti bilen utgaşdyrmagy tabşyryldy.

Parlamentiň başlygynyň we hökümet agzalarynyň gatnaşmagynda geçirilen mejlisde aýdylmagyna görä, täze topar Türkmenistanyň Bitaraplygynyň 30 ýyllygy we 2025-nji ýylyň BMG-niň Baş Assambleýasy tarapyndan “Halkara parahatçylyk we ynanyşmak ýyly” diýlip yglan edilmegi mynasybetli geçiriljek çäreleri ýokary derejede geçirmek işleri bilen meşgullanar.

Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.

Türkmenistanda VPN ulgamlary arkaly işleýär. Siz şu meýl: azathabar@derweze.net we sep arkaly biziň mugt Psiphon3 VPN ulgamymyzy Android ulgamlary üçin ýükläp bilersiňiz. Azatlyk Radiosy siziň şahsyýetiňiziň doly gizlinligini kepillendirýär.

Ýene degişli makalalar

Türkmenistanyň Prezidenti Eýranyň energetika ministrini we MB-niň başlygyny kabul etdi
R.Meredow FAO-nyň Ýewropa we Merkezi Aziýa boýunça sebit wekili bilen duşuşdy
R.Meredow BMG-niň Baş sekretarynyň kömekçisi bilen duşuşdy
BMG-niň Howpsuzlyk Geňeşiniň Terrorçylyga garşy göreşmek boýunça komitetiniň Ýerine ýetiriji direktoratynyň Ýerine ýetiriji direktory bilen duşuşyk
2025: Türkmenistan bilen Halkara Gyzyl Haç komiteti çäreleriň taýýarlygyny maslahatlaşdylar
R.Meredow Natalýa German bilen duşuşdy