Şu gün Türkmenistanyň Prezidentiniň tabşyrmagy bilen, Milli Geňeşiň Halk Maslahatynyň Başlygy Gurbanguly Berdimuhamedow Altkom maliýe-senagat toparynyň Direktorlar geňeşiniň başlygy Aleksandr Tislenko bilen duşuşdy.
Watan habarlar gepleşiginde habar berlişi ýaly, işewür duşuşygyň barşynda Türkmenistan bilen hyzmatdaşlygy mundan beýläk-de ösdürmäge gyzyklanma bildirýändigini belledi. Türkmenistanyň deňhukukly we özara bähbitli hyzmatdaşlyk üçin hemişe açykdygyny aýdyp, Altkom maliýe-senagat toparynyň toplan oňyn tejribesiniň bilelikdäki taslamalary durmuşa geçirmekde netijeli peýdalanylýandygyny nygtady.
Duşuşykda netijeli hyzmatdaşlygy has-da giňeltmegiň geljegi ara alnyp maslahatlaşyldy. Innowasiýa häsiýetli, bäsdeşlige ukyply ykdysadyýetiň döredilmeginiň iň gowy dünýä gazananlarynyň hem-de ýokary tehnologiýaly işläp taýýarlamalaryň ornaşdyrylmagyna esaslanýandygy bellenildi..
Işewür Türkmenistanda netijeli işewürligi ýöretmek üçin ähli şertleriň döredilendigini belläp, ýurduň maýa goýum taýdan özüne çekijiligini hem-de dürli maksatly desgalaryň we ulag düzüminiň gurluşygynda hyzmatdaşlygyň uly mümkinçilikleriniň bardygyny aýtdy. Şunuň bilen baglylykda, ol ýolbaşçylyk edýän kompaniýasynyň köpri gurmak ugrunda türkmenistanly hyzmatdaşlaryna toplan tejribelerini hödürlemäge taýýardygyny tassyklady.