Geçen hepdäniň şenbe güni türkmenistanly tälimçi Gurban Berdiýew täze topary ― Soçiniň futbolçylary bilen ilkinji türgenleşigini geçdi.
Toparyň gyşky ýygnanşygy futbolçylaryň lukmançylyk gözegçiliginden geçirilmegi bilen başlady.
Soçidäki türgenleşikler 22-nji ýanwara çenli dowam eder. Soňra topar Birleşen Arap Emirlikleriniň Abu-Dabi şäherine gider we 25-nji ýanwarda türgenleşikleriň ikinji tapgyryna bu şäherde badalga berler.
Soçililer 1 ― 11-nji fewral aralygynda RPL-iň Winline Gyşky kubogyna gatnaşyp, Krasnodar, Rostow we Spartak toparlary bilen güýç synanyşarlar.
Soçiniň gyşky türgenleşikleri 15 ― 25-nji fewral aralygynda Türkiýede geçiriljek ýygnanyşyk bilen tamamlanar.
Toparyň ýoldaşlyk duşuşyklaryndaky garşydaşlary biraz soňrak belli bolar.