Gazagystanyň “Gaýrat” futbol topary özüniň baş tälimçisi Gurban Babaýew bilen şertnamasyny taraplaryň özara ylalaşmagy boýunça ýatyrdy diýip klubyň internet saýtynda habar berilýär.
Gurban Babaýew bilen birlikde onuň kömekçileri Iwan Danilýans, Dmitriý Kiriçenko, Andreý Massury we Eduard Kunduhow dagy hem topary terk etdiler.
Sowet zamanasynda toparda oýnan Babaýew “Gaýratyň” düzüminde ýarym goragçy hökmünde 160 oýunda oýnapdy.Ol 90-njy ýyllarda kömekçi bolup işledi we “Gaýrat” toparyna özbakdak ýolşçylyk edende, 1992-nji ýylda “Gaýrat” Gazagystanyň altyn medalyny gazanypdy.
2021-nji ýylda Gurban Babaýew Almatydan “Gaýrata” dolandy. Başda gözegçi geňeşiň başlygynyň maslahatçysy, soňra “Gaýratyň” esasy düzümine ýolbaşçylyk etdi. Onuň baştutanlygynda “Gaýrat” Ýewropa kubogynyň toparynyň düzüminde oýnady, şeýlede Gazagystanyň Kubogyny utdy.
Gazagystanyň häzirki çempiýonat möwsüminde “Gaýrat” 12 oýundan soňra 16 utuk gazanyp, 8-nji orny eýeledi.
69 ýaşly Gurban Babaýew russiýanyň “Kristall”, gazagystanyň “Himik” we “Munaýşi”, Türkiýäniň “Gençbirligi”, Türkmenistanyň milli ýygyndysyna we “Nisa” türkmen toparyna ýolbaşçylyk etdi. Babaýewiň ýolbaşçylygynda “Nisa” 1998-nji ýylda Türkmenistanyň kubogyny gazangypdy, 1998/99 ýyl möwsüminde bolsa,Türkmenistanyň çempiýony bolupdy.The post Gurban Babaýew “Gaýratyň” baş tälimçisi wezipesini terk etdi first appeared on Türkmenistanyň Hronikasy.