Soňky ýyllarda elektrik energiýasy bilen iki tigirli ýeňil ulaglaryň sany barha artýar.Müşderileriň şeýle ulaglara isleginiň ýokarlanmagy hatda iri awtoulag öndüriji kompaniýalaryň hem welosiped öndürmegine getirýär.
Täze peýda bolýan startaplar hem öz tekliplerini hödürleýärler. “Nireeka” şereketi ýokary derejeli welosipedleri öndürmegi bilen tanalýar.Kompaniýa “Revenant” atly elektrik energiýasy bilen işleýän täze welosipedini hödürledi.Ulagyň daşky şekiliniň döwrebaplygy ünsi özüne çekýär. Ýeňil uglerod süýümli materialdan öndürilen welosipediň agramy 24 kilogram. 1000W elektrik motory oturdylan ulagyň tizligi 56 km/sagada ýetýär.
Ulagyň zarýady ortaça 85 kilometr ýol geçmäge mümkinçilik berýär. “Nireeka Revenant” 6 sagatda zarýad alýar.
LED çyralar bilen enjamlaşdyrylan welosipedde güýçli togtadyjy oturdylypdyr. Ulagyň 2 müň dollardan satuwa çykaryljakdygy mälim edildi.
Şamyrat Agamyradow, Türkmen döwlet maliýe institutynyň talyby.