Germaniýaly meşhur futbolçy Mario Gýotse 2 ýyldan soň Bundesliga dolandy.Niderlandlaryň PSW toparynda 2 ýyl çykyş eden 30 ýaşyndaky oýunçy Bundesliganyň Aýntraht topary bilen 3 ýyllyk şertnama baglaşdy.
Transferiň bahasy 4 million ýewro möçberinde bolar.Gýotse PSW-de 77 oýunda 18 gol geçirip, 18 goluň hem pasyny berdi. 2014-nji ýyldaky Dünýä Kubogynyň finalynda geçiren goly bilen Germaniýa çempionlyk gazandyran Gýotse Borussiýa Dortmund (2009 2013, 2016 2020) hem-de Bawariýa (2013 2016) toparlarynyň köýnekçesini geýipdi.
***
Andrea Rakkoni Monza toparynyň 2-nji başlygy Adriano Galliani bilen.
Taryhynda ilkinji gezek Italiýanyň çempionaty Serie A-da çykyş etjek Monza topary Interiň italýan goragçysy Andrea Ranokkiýany düzümine goşdy. Silwio Berluskoniniň eýeçiligindäki klub 34 ýaşly goragçy bilen 2 ýyllyk şertnama baglaşdy. Inter bilen şertnamasy tamamlanan Ranokkiýa Jenoa, Sampdoriýa, Hall Siti ýaly klublarda hem çykyş etdi.
***
Türkiýeli hüjümçi Burak Ýylmaz Niderlandlaryň Fortuna Sittard bilen 5 ýyllyk şertnama baglaşdy. Lill topary bilen şertnamasy tamamlanan 37 ýaşyndaky Burak Ýylmaz şol 5 ýylyň 2 ýylyny futbolçy, galan 3 ýylyny bolsa türgenleşdiriji tälimçi hökmünde geçirer.