Geçen hepde Azerbaýjan bilen Türkmenistanyň arasynda iki taraply saparlar guraldy. 2022-nji ýylyň 5-nji dekabrynda Türkmenistanyň Daşary işler ministri Raşid Meredowyň ýolbaşçylygyndaky wekiliýet Bakuwa bardy. Azerbaýjanyň Prezidenti İlham Aliýew türkmen wekiliýetini kabul etdi. Türkmenistanyň Daşary işler ministri Raşid Meredeow, Azerbaýjanyň-Türkiýäniň we Türkmenisanyň liderleriniň gatnaşmagynda Türkmenistanda geçirlen sammitiň öňüsyrasynda Ankarada we Bakuda saparda boldy.
Azerbaýjanyň Mejlisiniň başlygy Sahiba Gafarowa bolsa 2022-nji ýylyň 7-nji dekabrynda Türkmenistana resmi sapar gurady.Türkmenistanyň Mejlisinde halk deputatlaryna ýüzlenip çykyş eden Gafarowa, Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow we Prezident Serdar Berdimuhamedow bilen duşuşdy. İki ýurduň mejlisleriniň arasynda hyzmatdaşlyk teswirnamasy baglaşyldy.
Azerbaýjanyň Mejlisiniň başlygy Sahiba Gafarowa Aşgabatda geçirlen Merkezi Aziýa döwletleriniň zenanlary diýalogynyň maslahatyna hem gatnaşdy.
2022-nji ýylyň 6-njy dekabrynda Azerbaýjanyň Prezidenti İlham Aliýew Dagystanyň Prezidenti Sergeý Melikowu kabul etdi. Kabul edilşikde özara gatnaşyklaryň pugtalanmagyna kanagatlanma bildirildi.
2022-nji ýylyň 8-nji dekabrynda Azerbaýjanyň Prezidenti İlham Aliýew Albaniýanyň Premýer-ministri Edi Rama bilen duşuşdy. Paýtagt Bakuda bolan duşuşykda iki ýurduň arasyndaky özara gatnaşyklaryň gün tertibinde esasy orun eýeleýän meseleler bilen Prezident Aliýewiň Albaniýa guran saparynyň jemleri barada pikir alyşyldy. Albaniýanyň Premýer-ministri Edi Rama Azerbaýjan soň Türkiýä geldi we Prezident R. T. Erdogan bilen duşuşdy.
Azerbaýjan geçen hepde Ukraina 45 transformatordan we 50 generatordan ybarat ynsanperwer kömegini ugratdy. Azerbaýjanyň Ukraina söweşiň başlan gününden bäri beren kömeginiň mukdary 17,6 million dollara barabar boldy.
GD! Ermenistanyň Türkiýe bilen edýän gatnaşyklarynyň kadalaşmagyndan jogapkär ýörite wekili Ruben Rubinýan ýakynda iki ýurduň arasynda ýük uçar saparynyň başlap biljekdigini mälim etdi. Rubinýan, Margara köprüsiniň abatlanmagyndan soň iki ýurduň arasynda üçünji ýurtlaryň raýatlarynyň geçmegine hem rugsat berlip bilinjekdigini nygtady.
2022-nji ýylyň 5-nji dekabrynda Azerbaýjanyň Prezidenti İlham Aliýew, Türkiýäniň Goranmak ministri Hulusi Akaryň ýolbaşçylygyndaky türk resmi wekiliýetini kabul etdi. Kabul edilşikde özara gatnaşyklar we iki ýurduň arasynda geçirilýän bilelikdäki harby türgenleşikler ara alnyp maslahatlaşyldy. Türkiýäniň we Azerbaýjanyň goşunlary 5-6-njy dekabrda Azerbaýjanda “Dogan Ýumrugy” atly harby türgenleşik geçirdi.
Türkiýäniň Türki dilli döwletler bilen edýän gatnaşyklary gün saýyn pugtalanýar. 2022-nji ýylyň 8-nji dekabrynda Özbegistanyň Prezidenti Şawkat Mirziýoýew Türkiýe bilen goranyş senagaty pudagy boýunça ýakyndan hyzmatdaşlyk edilmegini göz öňünde tutýan şertnamany tassyklady. Ady agzalýan şertnama goranyş senagatynyň başda durmagynda birnäçe ugurda ýakyndan hyzmatdaşlyk edilmegi üçin uly mümkinçilik hödürleýär.
Guralýan saparlar, durmuşa geçirilmegi meýilleşdirilýän energetika taslamasy meselesinde Günorta Kawkazyň Gündogar bilen Günbataryň arasynda esasy köpri boljakdygyny görkezýär. Geçirilýän bilelikdäki harby türgenleşikler hem sebitde howpsyzlygyň doly ýola goýlandygyna ünsi çekýär. Ermenistan hem bu täze pursatlardan peýdalanmak üçin Türkiýe we Azerbaýjan bilen edýän gatnaşyklaryny gysga wagtda kadalaşdyrmaly.