Putin günbatarly esgerleri Ukraina ugratmagyň ýerlikli karar bolmajakdygyny beýan edip; “Ol, Ýewropada we dünýäde uly çaknyşyk üçin başlangyç etmek bolar” diýdi.
Fransiýanyň Ukraina goşuk ugratma başlangyjy hakynda beýannama beren Putin: “Radi ulgamlarda yzgiderli häsýetde iňlisçe, fransuzça, polýakça gepleşikleri eşidýäris. Hakynatutma esgerleriň onsuz hem şol ýerdedigini bilýäris” diýdi.
Günbatarly esgerleri Ukraina ugratmagyň ýerlikli karar bolmajakdygyny nygtan Putin; “Ol, Ýewropada we dünýäde uly çaknyşyk üçin başlangyç etmekdir. Şeýle bolmagyny isleýärlermi? Eger şeýle bolsa, bolýar” diýdi.
NATO-nuň Baş sekretary Ýens Stoltenbergiň Ukraina berilen ýaraglaryň Russiýadaky pozisiýalary hem urmagyny islemegine reaksiýa bildiren Wladimir Putin; “Esasanda Ýewropadaky NATO agza ýurtlardaki we kiçi ýurtlardaki wekiller näme bilen oýnaýandyklaryny bilsinler. Umuman ilaty gür kiçi territoriýaly ýurtlardygyny ýatdan çykarmasynlar. Russiýanyň içine hüjüm guramagy pikir etmezden ozal şol faktorlara üns bersinler” diýdi.
Putin Ukrainanyň döwlet Ýolbaşçysy Wladimir Zelenskiýniň iş möhletiniň gutarmagy hakynda bolsa; “Meniň pikirimçe Ukrainada ýeke-täk kanuny hâkimiýet parlament we Radanyň başlygydyr” diýdi.