Gonkongda geçirilen auksionda satuwa çykarylan gülgün-mämişi reňkli 29,3 million dollara satyldy. “Christie’s” auksion öýüniň Gonkongdaky merkezinde satuwa hödürlenen “Sakura” atly göwher ýüzük 15,81 karatlyk gymmat bahaly daş bilen bezelipdir. Ýapon medeniýetinde uly ähmiýeti bolan üljäniň bir görnüşine “sakura” diýilýär.
Gymmat bahaly daşy auksiona telefon arkaly gatnaşan adamyň alandygy mälim edildi. Şeýlelikde geçen ýyl Ženewada 27 million dollara satylan 14,8 karatlyk “The Spirit of the Rose” (Gülüň ruhy”) atly gülgüne göwheriň rekordyny hem täzelendi. Şeýle hem auksionda “Sweet Heart” (Süýji ýürek) atly göwher 6,5 million dollara satyldy.
Auksionda iň gymmat bahaly göwher rekordy täzelenmedi. 2017-nji ýylda “CTF Pink Star” atly göwher Gonkongda 71,2 million dollara satylypdy.