Gruziýanyň Goranmak ministri Georgiý Matiaşwili resmi sapar bilen Azerbaýjana bardy.
Georgiý Matiaşwili resmi saparynyň çäginde paýtagt Bakuda Azerbaýjanyň Goranmak ministri Zakir Hasanow tarapyndan kabul edildi.
Azerbaýjanyň Goranmak ministrliginden berlen beýannama görä, Hasanow kabul edilşikde, Azerbaýjanyň we Gruziýanyň halklarynyň arasyndaky dostlukly gatnaşyklar we ynam hakynda durup geçdi.
Hasanow, Azerbaýjanyň, Gurziýanyň we Türkiýäniň arasyndaky üçtaraplaýyn hyzmatdaşlygyň sebitde parahatçylygyň üpjün edilmeginde uly rol oýnaýandygyny belledi.
Hasanow, Günorta Kawkaz ýurtlarynyň liderleriniň gatnaşmagynda Mýunhen Howpsyzlyk konferensiýasynyň çäginde geçirlen maslahatyň ähmiýetine ünsi çekdi.
Gruziýanyň Goranmak ministri Georgiý Matiaşwili bolsa, Azerbaýjan bilen Gruziýanyň arasyndaky harby hyzmatdaşlygyň sebitlýin howpsyzlyga uly goşant goşýandygyny belledi.
Kabul edilşikde, Azerbaýjan bilen Gruziýanyň arasynda harby taýdan edilýän gatnaşyklar giňişleýin ara alnyp maslahatlaşyldy.
Gruziýanyň Goranmak ministri Georgiý Matiaşwili saparynyň çäginde Azerbaýjanyň Baş ştabynyň başlygy Kerim Weliýew bilen hem duşuşdy.