Çelsi futbol klubunyň baş tälimçisi wezipesine angliýaly hünärmen Grem Potter bellenildi. Bu barada klubuň resmi saýty habar berdi. Braýton klubunyň öňki tälimçisi Çelsi bilen bäş ýyllyk şertnama baglanyşdy.
Bu wezipede ol nemes hünärmeni Tomas Tuheli çalyşdy. Çelsi Tuheli 7-nji sentýabrda Çempionlar ligasynyň toparlaýyn tapgyrynyň birinji duşuşygynda Zagrebiň Dinamosyndan utulandan (0:1) soň wezipesinden boşatdy. Potter 47 ýaşynda, ol Braýtonda 2019-njy ýylyň maýyndan bäri işleýär. Onuň ýolbaşçylygynda klub Angliýanyň Premýer-ligasynyň alty tapgyryndan soň, 13 utuk bilen dördünji orny eýeleýär.