Google şereketi 2021-nji ýylda ABŞ-daky maglumat merkezini we ofis ulgamyny giňeltmek üçin 7 milliard dollar möçberinde pul serişdelerini goýberdi.
Kompaniýa Wirjiniýa, Nebraska we Newada ştatynda maglumat merkezlerini giňeltmegi meýilleşdirýär.
Nebraska ştatyndaky Papillionda we Newada ştatyndaky Hendersonda mundan birnäçe aý ozal gurlan maglumat merkezleri täzelener.
Google şereketi 2021-nji ýylda ofisleri dört sany täze ýerde açmagy meýilleşdirýär. Demirgazyk Karolina ştatyndaky Daremde Bulut ösüş merkezini, Missisipi ştatyndaky Sautheýwen şäherinde Google amalyýet merkezini, Hýustonda we Portlendde täze ofisleri açmaklygy meýilleşdirýär.
Kompaniýa Kaliforniýadaky işewürligini giňeltmeklik we Atlantada, Waşingtonda, Çikagoda we Nýu-Ýorkda müňlerçe täze iş ýerlerini döretmeklik üçin 1 milliard dollar maýa goýar.
Mundan başga-da, Detroýtda, Ann-Arborda, Kembrijde, Pittsburgda, Ostinde we beýleki şäherlerde az sanly işçiler işe alnar.
Google şereketi jemi 10000 töweregi täze iş ýerini döretmekligi meýilleşdirýär. Şu ýylyň mart aýyna çenli kompaniýanyň ABŞ-da 84000 işgäri bellige alyndy.