Google Play internet dükanynda Türkmenistanyň döwlet radioýaýlymlaryny diňlemäge mümkinçilik berýän Türkmen Radio ykjam goşundysy peýda boldy.
Indi ulanyjylar dünýäniň islendik künjeginden Owaz, Watan, Çar tarapdan hem-de Miras radioýaýlymlaryny onlaýn diňläp bilerler.
Android operasion ulgamly smartfonlar üçin niýetlenen goşundy radioýaýlymlaryň efirini ýokary durulykda diňlemäge ýardam berýär.
Ykjam goşundy internet dükanynda tölegsiz esasda hödürlenýär we Android 4.1 we ondan ýokary wersiýaly smartfonlarda işleýär. Radioýaýlymlary diňlemek üçin internet toruna birikmek zerurdyr (EDGE, 3G, LTE ýa-da Wi-Fi).