Şeýle gyzykly derňewi IDC analitiki portal geçirdi. Hünärmenler Google-iň Samsung-dan has az smartfon satýandygyny anykladylar. Bu tapawudy ýüze çykarmak üçin, olar ýyllarda satylan smartfonlary hasaplamaga girişdiler.
IDC-niň maglumatlaryna görä, 2016-njy ýylda ilkinji Pixel-iň relizinden bäri Google 27,6 mln gurluş satdy.Deňeşdirmek üçin, Samsung 2021-nji ýylda 270 mln smartfon satdy. Ýagny, alty ýylyň içinde Google Samsung-yň bir ýylda satanyndan hem on esse az smartfon satdy. Ýönekeý matematika Google kompaniýasyna Samsung-yň bir ýyldaky satuw möçberine ýetmegi üçin 60 ýyl gerek boljakdygyny görkezýär.
Sanlaryň Pixel smartfonlarynyň satuwynyň gowşakdygyny görkezýändigine garamazdan, Google muňa aýratyn ähmiýet bermeýär. Kompaniýa Pixel taslamasyny ýapmaýar-da, tersine, özüniň smartfon bölümçesini ösdürmäge çalyşýar.