Amerikanyň Milli basketbol ligasy NBA-da çempion belli boldy.Final tapgyrynyň 5-nji oýnunda öz meýdançasynda soňky çempion “Kliwlend Kawaliersi” 129120 hasabynda ýeňen “Golden Steýt Warriors” umumy hasapda 41 öňe saýlandy. Şeýlelikde, 2015-nji ýylyň çempiony “Golden Steýt Warriors” 5-nji gezek NBA-nyň çempiony boldy (1947, 1956, 1975, 2015, 2017).
Ol bu ugurda “San Antonio Spars” bilen deňleşdi. “Golden Steýt Warriors” NBA-nyň pleý-off tapgyrynda 4 topar bilen duşuşyp, olaryň 3-sini 4 duşuşykda, finaldaky garşydaşy “Kliwlendi-de” 5 duşuşykda ýeňmegi başardy. Ýagny 17 oýunda gazanylan 16 ýeňiş (161) NBA-nyň rekordyna deň boldy.
Final oýunlarynyň iň gymmat oýunçysy diýlip, çempion toparyň ýyldyzy Kewin Durant saýlandy.NBA-da häzire çenli “Boston Seltiks” (17) bilen “Los Anjeles Leýkers” (16) iň köp çempionlyk gazanan toparlardyr. “Çikago Bullsuň” 6, “San Antonio” bilenem “Golden Steýtiň” 5 çempionlygy bar.
Hokkeý boýunça Amerikanyň Milli ligasy NHL-iň finalynda “Pittsburg Pingwins” topary “Neşwill Predatorsdan” üstün çykyp, Stenli Kubogyna mynasyp boldy. “Pittsburg” topary öz meýdançasynda geçiren 12-nji duşuşygynda 5:3 we 4:1 hasaplary bilen ýeňiş gazanypdy. Ýöne finalyň 34-nji duşuşyklaryny öz meýdançasynda oýnap ýeňiş gazanan “Neşwill” topary umumy hasaby deňlemegi başardy (5:1, 4:1). 5-nji duşuşykda “Pittsburg” garşydaşyndan 6:0 hasabynda üstün çykyp, umumy hasapda 3:2 öňe saýlandy.
Finalyň 6-njy duşuşygy-da “Neşwilliň” meýdançasynda boldy.Patrik Hornkwist we Karl Hageliniň gollary bilen 2:0 hasabynda utup, umumy hasaby 4:2-ä çykaran “Pittsburg” bassyr 2-nji gezek Stenli Kubogyny asmana göterdi.
Umumylykda 5-nji ýola NHL-iň çempiony bolan “Pittsburg Pingwinsiň” hokkeýçisi Sidni Krosbi final oýunlarynyň iň gymmatly oýunçysy diýlip saýlandy.