23-nji awgustda prezident Serdar Berdimuhamedow dikuçar bilen paýtagt arkaly uçdy, soňra oňa Aşgabatda täze guruljak desgalaryň meýilnamasyny hödürlediler.
Senagata we energiýa jogapkär wise-premýer Nurmuhammet Amannepesow beýleki taslamalar bilen birlikde Mäti Kösäýew köçesinde guruljak ýaşaýyş jaýlar baradaky meýilnamany hödürledi. Bu meýilnamany durmuşa geçirmek üçin bir-iki gatly 30-dan gowrak ýaşaýyş jaýyny ýykmak zerur.
Soňra telereportajda Aşgabadyň kartasyny görkezdiler we onda şäheriň köne jaýlarynyň toplumy reňkler hem sanlar bilen bellenipdir. Shemada Amannepesowyň ýerinde täze jaýlar gurmagy teklip eden iki kwartalyndan başgada, bütin şäherdäki beýleki toplumlar bellenipdir.
Şunlukda, paýtagtda beýleki desgalary gurmak üçin ýykylmagy meýilleşdirilýän köne jaýlaryň toplumy bölünene meňzeýär.
Bölünen toplumlaryň we onuň golaýyndakylaryň reňkleriniň nämäni aňladýandygy belli däl:emma, bu etraplarda ýüzlerçe jaýlar bar.
TDH döwlet täzelikler gullugynyň reportajynda ilkinji gezek ýykylmasy zerur köne ýaşaýyş jaýlar ykrar edilip, “ýykyljak jaýlaryň ýerine ýokary derejeli mümkinçilikli jaýlaryň guruljakdygy” aýdylýar.
Bellesek, habarda ýykyljak jaýlarda ýaşaýanlara öý beriljekdigi tassyklanmaýar.
2021-nji ýylyň iýulynda prezident G.Berdimuhamedowa Aşgabatdaky gurluşyk meýilnamalary görkezilipdi. Taslamalaryň ählisi köne ýaşaýyş jaýlarynyň ýykylmagyny talap edýärdi. Netijede jaýlar weýran edilipdi.
“Türkmenistanyň Hronikasynyň” owal beren maglumatlaryna görä, öýleri weýran edilenler täze jaý almakda meseleler bilen ýüzbe-ýüz bolýarlar.Emläginiň resminamalary ýalňyş düzülenlere täze jaý berilmeýär.
Olaryň sany öýler ýykylanda, ýüzlerçe adama ýetýär. Şeýlede ýykylan jaýlaryň ýerine berilen emlägiň meýdany babatda hem çekişmeler döreýär.Eger öýde aýry iki maşgala ýaşan bolsa,onda olara diňe bir jaý berilýär.
Täze jaý almak üçin birnäçe ýyl garaşmaly we oňa çenli öz hasabyňa kireýde ýa-da garyndaşlaryňda ýaşamaly bolýarlar.The post Görnüşi ýaly, türkmen telewideniýesi Aşgabatda ýykyljak köne ýaşaýyş jaýlar barada meýilnamany ilkinji gezek görkezdi, olar ýüzlerçe first appeared on Türkmenistanyň Hronikasy.