Dünýäniň iň uly ýarymgeçiriji öndürijisi bolan Taiwanyň TSMC kompaniýasy şu ýylky girdejisini 30 göterim artdyrmagy maksat edinýär.Kompaniýanyň satuwy geçen ýyl 24,9 göterim ýokarlanypdyr.Kompaniýanyň bilermenleri telefon we kompýuter bazarynda pese gaçyşlygyň bardygyny, emma elektroulag ýaly beýleki ugurlardaky islegiň garaşylandan ýokary bolandygyny beleýärler.
TSMC ýylyň ikinji ýarymynda mundan ozal 17,6 milliard girdeji gazanmaga garaşýandyklaryny bellän bolsa, bu görkeziji soňra 18,2 milliard dollara ýetirildi.
Dünýäde emele gelen pandemiýa döwründe awtoulag senagatynda çip ýetmezçiligi ýüze çykypdy. Bu ýagdaý elektron enjamlara islegiň ýokarlanmagy netijesinde çipleriň esasan mobil enjamlaryny öndürýän kompaniýalara satylmagy bilen döräpdi. Şeýle bolansoň, bu meseläni aradan aýyrmak maksady bilen dürli kompaniýalar çip önümçiligine aýratyn üns berip başladylar. Hususy kompaniýalary bilen bir hatarda hökümetler hem çip önümçiligine goldaw berýärler.
Zuhra Matkarimowa, Türkmen döwlet maliýe institutynyň talyby