Germaniýanyň Goranmak ministri Annegret Kramp-Karrenbauer, Twitterden beren beýanatynda, agşam soňky nemes esgerleriň hem Owganystandan howpsyz ýagdaýda çykandygyny belläp: "20 ýyl soň iň uly daşary ýurt missiýamyz tamam boldy" diýip habar berdi.
Germaniýanyň goşunyndan berilen beýanatda hem, nemes harbylarynyň Owganystandaky NATO missiýasynyň tamamlanandygy habar berildi.
Nemes esgerler Halkara howpsuzlyk goldaw güýjünde we ondan soň durmuşa geçirilen Tutanýerli goldaw missiýasynyň çäginde 2001-nji ýyldan bäri Owganystanyň içindedi. Missiýanyň çäginde jemi 59 nemes esger ýogalypdy.
Soňky gezek bolsa 1100 nemes esger Tutanýerli goldaw missiýasynyň çäginde Owganystanyň serhetleriniň çägindedi.
ABŞ NATO missiýasynyň çäginde 20 ýyl galan Owganystandan 1-nji maýdan başlap çekilmäge başlajakdygyny, çekilmek tapgyrynyň 2021-nji ýylyň 11-nji sentýabryna çenli tamamlanjakdygyny mälim edipdi.